العالم الأفضل

منتدى العالم الأفضل نحو مستقبلٍ أفضل للجميع
 
الرئيسيةس .و .جبحـثالتسجيلدخول

شاطر | 
 

 مصطلحات فلسطنية قح لهواني ع جبالي ع مجدلاوي ع نابلسي ع حمامي مشكل يعني

اذهب الى الأسفل 
كاتب الموضوعرسالة
أسير الجراح
عالمي فعال
عالمي فعال


عدد الرسائل : 137
العمر : 29
تاريخ التسجيل : 15/11/2008

مُساهمةموضوع: مصطلحات فلسطنية قح لهواني ع جبالي ع مجدلاوي ع نابلسي ع حمامي مشكل يعني   الثلاثاء نوفمبر 18, 2008 3:40 pm

شويه مصطلحات فلسطينية قح يعني غزاويه ع مجدلاويه ع حماميه ع نابلسية ع لهوانية ع جبالية
وهنا مشكل يعني


بنكيت = الرصيف في الشارع

البيارة = المزرعة

شمينت = نوع من انواع اللبن مفردة من مخلفات العدو الصهيوني

ككسة = كيكة

الكوربة = راس الشارع = لفة آخر الشارع

ضاوي = فاقد = ما بفهم اشي

براد = بكرج = إبريق بنقول براد الشاي أو بكرج الشاي

شُشْبَرك = طبيخ مرات وهي عجين بنحشي لحمة أو كفتة مفرومة وبنطبخ مع اللبن

بشكير = منشفة اللي بنشف فيها وجهنا على الصبح

فرشة = معناتها فراش بس احنا بندلعها فرشة هههههههههه

ابطيني = يعني بياكل اكل ما شاء الله ولا هو داري عن حاله

بابور = زي فرن الغاز بس على صغير واله عين وحدة وبشتغل على الكاز (بابور
الكاز) عليوة هههه

مخدة = وسادة

زرفيل = قفل الباب

اقلط الشارع = اقطع الشارع

عشرطعش = يقصد فيها الكثرة من الشئ

تخت = سرير

رمزون = إشارة مرور ضوئية

كلنس = محارم

سطل = جردل = دلو

هواية = مروحة

نونة = يعني شوي

نتفة = اقل من شوية هههههههه
ونجك حالك = يعني زبط حالك

روق يا ضاوي = يعني وحد الله يا مجنون ههههههههههه
على بلاطة = يعني من الآخر

كوشي = يعني اسود

شكشوكه = (اكله ) بندوره وبيض

بابوج = شبشب

معصلج = مزرجن = مش راضي أو بمعنى آخر راكب راسه

مقلمة = علبة الأقلام اللي بكون شايلها الطالب تاع المدرسة

فورسة = فسحة اللي في نص الحصص في المدرسة

كنتين = كافتيريا المدرسة

صف = فصل المدرسة

الدالية = هي شجرة العنب

يقال تعال نقعد تحت الداليه بمعني هيا بنا نجلس تحت شجرة العنب

الزغيرة = الزغنونة = صغيرة

جمطة = يعنى ما بتنبلع = ما تنزل من زور

طشه = يعني فسحة او طلعة علي البر او علي البحر
اجنص = لنج =جديد

مواسرجي = السباك ... الرجل الذي يقوم بتصلح المجاري

حنفية = صنبور= مصورة

مية متلجة = مياة مثلجة

ورا الدار = خلف البيت

قاع الدار = الجزء الامامي للدار

قزاز = زجاج

سيرج = زيت الذرة او زيت عباد الشمس

سقاطة = حصالة

قداحة = ولاعة

بربيج = خرطوم المياة

لنش = سفينه صيد اسماك كبير

حسكة = سفينة صيد صغيرة

شياطة = الاداة المستخدمة في التزحلق على امواج البحر

زمور = منبه السيارة
كوربة = التفاف الشارع .. تقاطع يعني

منقرز = محتاج الى سيجارة

مخرمن = محتاج شاي او قهوة ههههه

شخبطة = خرابيش الجاج

شقلب وجهك عني= يعني ما بدي اشوف خلقتك

سبهللة = يعني بدون مسؤولية

افتح مخك وطقطق دنيك = ركز معي الله لايسيئك

تلقحيه = واحد رامي حالو علينا

دكانة = سوبر ماركت

نتخرف = ندردش مع بعض

ام العبد و ابو العبد = اسم فلسطيني قح

قح = عالاخر

فرم الشاب = طحنه = خلاه زي الطحينه

فعص في بطن الشاب = خبط في بطنه هلكه

جلدة راسه خميله = عبيط او بفهمش بسرعه

بدكاش = ما بدك

شاكوش = مطرقة

فطبول = كرة قدم

طقية = قبعة

شمر = ارفع البنطلون او الجلبية وافكح او اجري

قرفان = واحد مش طايق حالو بالمرة

سك عالدم = يعني انسى ومش فايقلك

برقان = برتقال بس الواحد بيكون مستعجل

بوزك = وجهك

زير = الاناء المصنوع من الفخار يوضع في الماء

قشاط = اللى بيكون على البنطلون


طنجره = بالمصرى حله هاى اللى بيكون فيها الطبيخ اسمها طنجره

الحين = الان بس احنا النا بعد تانى عن الحياه ( حمامي) ههههه

حبيبى يا حج = حبيبى يا قلق = حبيبى يا لوز = حبيبى يا حوت

شقفه = حته قطعه

يع = يعنى قرفان من اشى

اوعى تتزحلق = يعنى تندب دير بالك فى صابون على البلاط
الخوصة = السكين

شرشف = ملاية

جربان = شراب ( في الرجل بلبسوه )

شاف = اللي بيحطو فيه الميّة

ليدن = علكة

احلقلو = طنشو = ماتعبرهوش

ترللي = مهوي = اهبل

يجاكر = يعاند

زبدية = صحن من الفخار لعمل الدقة الغزاوية

ورق دوالي: ورق عنب

قمباز = لباس فلسطيني يلبسه الختارية

سجرة = شجرة

اسكومية = يعني ايس كريم هههههههه ( الدلع )

الفرشوحه = يعني سندويش الشاورما بالغزاوي القح

ريحة : يعني عطر

قصافة = يعني مقص أظافر

هلأ = الان = هسا = الحين بالفلاحي

مستهلسكو = يعني مش معبركو

مطعوج = من الفعل انطعج

والمصدر تاعو انطعاج وهو الشء المعوج

فشكة = بيت الرصاصة الفارغه...

ازعق عليه = نادي عليه

ضلك كاوي = ضلك ماشي على طول (نفس الطريق )

يختي = اسلوب نداء للمؤنث

يخو= اسلوب نداء للمذكر

بعكش = فتش = ابحث = دور

بسكليت = يعني دراجة
بنكش راس= بمزح
أنطي = معلمه =أبلة
عرسة= فأر كبير

_________________


أمـــــــي وأبــــــــي..... والله أنكمـــــــا شمعـــــة حيــــاتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقة القدس
عالمي نشيط
عالمي نشيط


عدد الرسائل : 55
العمر : 23
تاريخ التسجيل : 08/12/2008

مُساهمةموضوع: رد: مصطلحات فلسطنية قح لهواني ع جبالي ع مجدلاوي ع نابلسي ع حمامي مشكل يعني   السبت ديسمبر 13, 2008 6:16 am

مشكور على هيك كلام انا فلسطينية بس والله في كلمات وكتيــــر مابعرفها خالص ,,, وهدا كلام الضفوية مو الغزوية ,,,,,,,,, على العموم شكرا واستفدنا منه ,, تقبل مروري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أسير الجراح
عالمي فعال
عالمي فعال


عدد الرسائل : 137
العمر : 29
تاريخ التسجيل : 15/11/2008

مُساهمةموضوع: رد: مصطلحات فلسطنية قح لهواني ع جبالي ع مجدلاوي ع نابلسي ع حمامي مشكل يعني   الأحد ديسمبر 14, 2008 2:04 pm

هههههههههه لا يا عيني هاد كلام غزاوي من الشرش بس انتي الي باين ما بتعرفي كلام بلدك tongue tongue tongue tongue tongue tongue tongue

_________________


أمـــــــي وأبــــــــي..... والله أنكمـــــــا شمعـــــة حيــــاتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاشقة القدس
عالمي نشيط
عالمي نشيط


عدد الرسائل : 55
العمر : 23
تاريخ التسجيل : 08/12/2008

مُساهمةموضوع: رد: مصطلحات فلسطنية قح لهواني ع جبالي ع مجدلاوي ع نابلسي ع حمامي مشكل يعني   الإثنين ديسمبر 15, 2008 7:48 am

اذا كان هدا كلام بلدي فأنا للأسف مابعرفوا ولابدي اعرفه ,,,,, وانا اسفه على الرد الي ئبل لاني كنت بجد مابعرف هيك كلام باللغة العامية ,,,,,,,,,,,تقبل مروري
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مصطلحات فلسطنية قح لهواني ع جبالي ع مجدلاوي ع نابلسي ع حمامي مشكل يعني
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
العالم الأفضل :: منتديات استراحة الأعضاء :: منتدى الاستراحة العامة-
انتقل الى: